Conseguiu o César do cine francés á mellor película, actriz (Yolande Moreau), guión, director de fotografía, banda sonora, deseño de produción e deseño de vestiario (Madeline Fontaine).

Ano 1912. Séraphine Louis, 42 anos, traballa como muller da limpeza, pero a súa paixón é a pintura. Wilhelm Uhde, crítico e marchante alemán, descóbrea, compra a súa obra e aníma a que se dedique á súa paixón. Pero estala a I Guerra Mundial e Wilhelm Uhde non pode quedar en Francia. Cando por fin regresa en 1927, o destino quere que volva atopar a Séraphine...

É a terceira película dirixida polo tamén actor Martin Provost tras Tortilla y cinema (1997) e El vientre de Juliette (2002).