Conseguiu a Palma de Ouro no Festival de Cine de Cannes e o Premio Independent Spirit John Cassavetes á mellor película estranxeira.

François e os demais profesores prepáranse para afrontar un novo curso nun Instituto dun barrio conflitivo. Cheos de boas intencións, desexosos de aportar a mellor educación ós seus alumnos, ármanse contra o desalento. Pero as culturas e as actitudes enfróntanse na aula, microcosmos da Francia contemporánea. Por moi divertidos e estimulantes que sexan os adolescentes, os seus comportamentos poden cortar de raíz o entusiasmo dun profesor que non cobra bastante. A tremenda franqueza de François sorprende ós seus alumnos, pero o seu estrito sentido da ética cambaléase cando os mozos empezan a non aceptar os seus métodos.

É a quinta longametraxe dirixida polo francés Laurent Cantet (Melle, Deux-Sevres, 1961), despois de Les sanguinaires (1997), Recursos humanos (1999), El empleo del tiempo (2001) e Hacia el Sur (2006).