León de Ouro no Festival de Cine de Venecia en 1966.

Premio Fipresci outorgado pola Crítica Internacional en 1966.

Candidata ao Óscar de 1967 como Mellor Película Estranxeira.

Na Alxeria da década dos cincuenta, tralos últimos asasinatos de axentes da policía por parte de membros da Fronte de Liberación Nacional (FLN) contra a ocupación francesa e da explosión dalgunhas bombas nos cuarteis policiais, os paracaidistas galos, ao mando do temible coronel Mathieu, acaban de obter por tortura o paradoiro de Ali La Pointe, último líder libre da FLN. A acción militar, en plena Kasbah da capital, resulta brutal e desapiadada. Ali cae, pero dous anos máis tarde volven producirse alzamentos que acabarán por conducir á liberdade en 1962.