Esta é a historia do Patiño Feo e a súa nai, Ratso. En realidade, así é como o Patiño Feo o chama... porque en realidade el é o seu pai, aínda que... tampouco é certo de todo. O que sucedeu é que cando o Patiño Feo saíu da casca, a primeira persoa á que viu foi a Ratso, e el sentiuse responsable de ocuparse do pequeno. Ademais, ¿que clase de pai sería se rexeitara ó seu fillo, a pesares de chamalo “mamá”? ¿confuso? ese é Ratso. O día a día é duro, intentan levar comida ó prato mentres foxen das bandas de ratas da cidade, das hostís aves de curral... A vida non é fácil, calquera patiño feo podería confirmarcho.

Dirixe Michael Hegner (Dinamarca, 1964), que comezou a súa carreira como auxiliar de animación na serie de televisión Quark (1987-88). Despois realizou spots publicitarios para Lego, Fazer, Carlsberg, Coca-Cola e Tuborg. A súa primeira película de animación chegou cando codirixiu ¡Socorro, soy un pez! (2000). Anteriormente exercera como animador en películas como Jack, rey del amazonas.