Nastro d’Argento e David de Donatello ó mellor actor (Vittorio Gassman).

A través da viaxe en coche de dous personaxes contrapostos, Dino Risi traza unha sátira traxicómica da realidade de Italia. Relata a fin de semana dun vividor descarado que leva a un inexperto e virxinal estudante a unha xira pola disipada vida social de Italia, cun inesperado desenlace.... Un tímido estudante de Dereito chamado Roberto coñece a Bruno, un hedonista de 40 anos, que leva ó mozo estudante no seu convertible a dar unha volta polo campo romano e tamén pola Toscana. Xuntos farán un percorrido hilarante, visitando aos parentes de Roberto, perseguindo ás turistas e gozando dos pobos costeiros. Ademais, todo isto resulta ser un acelerado proceso de maduración para Roberto.